शालेय
शिक्षण व क्रीडा विभाग शासन निर्णय क्र.युकयो-2012/प्र.क्र.63/क्रीयुसे-3, दि.12 नोव्‍हेंबर 2013 अन्‍वये युवा प्रशिक्षण केंद्राची स्‍थापना करण्‍यास शासनाने मान्‍यता दिलेली आहे. युवा
प्रशिक्षण केंद्राच्या अंतर्गत युवकांच्या सक्षमीकरणाकरीता विविध विषयावरील १० दिवसांच्‍या प्रशिक्षण शिबीरांचे आयोजन दि.१६ ते २५
फेब्रुवारी २०१६ व दुसरे शिबीर दि.१५ ते २४ मार्च २०१६ या
कालावधीत श्री शिवछत्रपती क्रीडा संकुल, म्‍हाळुंगे-बालेवाडी, पुणे येथे करण्यात येणार आहे.
सदर शिबीरांसाठी १८ ते ३५ या वयोगटातील युवकांना विविध
जीवन कौशल्याचे प्रशिक्षण देण्यात येणार आहे. प्रशिक्षणासाठी नेहरु युवा केंद्राकडे नेहरु
युवा कर्मी (NYC), राष्‍ट्रीय सेवा योजनेचे २ शिबीरे
पुर्ण केलेले विद्यार्थी युवक युवती, राष्‍ट्रीय छात्रसेनेचे विद्यार्थी युवक व युवती, एम.एस.डब्‍ल्‍यु. एम.ए. सायकॉलॉजी, एम.ए सोशियॉलॉजी, इ. शिक्षण घेत असलेले युवक युवती, स्‍वयंसेवी
संस्‍था, नोंदणीकृत
युवा व महिला मंडळे, इ. कडून सामाजिक कार्यात रस घेणारे व आवड
असणारे युवक युवती यांना प्रशिक्षण देण्यात येणार आहे. सदर
प्रशिक्षण पुर्ण केल्‍याचे प्रमाणपत्र संबंधितांना देण्यात येणार आहे.
या
प्रशिक्षण शिबीराकरीता भोजन, निवास व प्रशिक्षणाचा सर्व खर्च
शासनाच्‍यावतीने करण्यात येणार आहे. इच्‍छुक युवक युवतींनी अधिक माहीतीसाठी जिल्हा क्रीडा अधिकारी कार्यालयाशी किंवा क्रीडा अधिकारी
श्री सचिन निकम यांच्‍याशी मो.क्र. ८८५६०९३६०८ या क्रमांकांवर संपर्क साधावा असे आवाहन जिल्हा क्रीडा अधिकारी श्री मिलिंद दिक्षित यांनी केले आहे.
