दि. 21 जून 2015 आंतर्राष्ट्रीय योग दिनांनिमित्त निबंध लेखन व वक्तृत्व स्पर्धा

वयोगट - स्पर्धा वयोगट 15 ते 35 युवकांसाठी ( ग्रामीण व शहरी भाग )

स्पर्धेचे विषय -

निबंध	वक्तृत्व
आरोग्यदायी जीवनासाठी योगसाधना	स्वामी विवेकानंदांचे विचार, योग आणि आजचा युवक
बदललेल्‍या जीवनशैलीत योगासनांची गरज	शालेय जीवनात योगासनांचे महत्व
योगासने- आरोग्य समस्यांवर उपाय	21 जून- आंतर्राष्ट्रीय योग दिन आणि भारत

आयोजन पध्दत – स्पर्धांचे आयोजन प्रथम तालुकास्तरावर दि.21/6/2015 रोजी आंतर्राष्ट्रीय योग दिनाचे औचित्य साधुन करण्यात येईल. या स्पर्धा ग्रामीण व शहरी अशा दोन गटात घेण्यात येतील.

तालुकास्तरावर प्रथम प्राविण्य प्राप्त करणा-या युवकांचे निबंध जिल्हास्तरासाठी पाठविण्यात येतील तर वक्तृत्व स्पर्धांकरीता प्रथम येणा-या स्पर्धकांची जिल्हास्तरावर स्पर्धा होईल. जिल्हास्तरावरील स्पर्धांचे आयोजन दि.25/06/2015 रोजी कला, वाणिज्य व विज्ञान महाविद्यालय, ओरोस ता. कुडाळ येथे सकाळी 11.00 वा करण्यात येईल. जिल्हास्तरावर ग्रामीण गटामध्ये निबंध व वक्तृत्व स्पर्धेत प्रथम, व्दितीय व तृतीय असे क्रमांक काढण्यात येतील. त्याचप्रमाणे शहरी गटामध्ये निबंध व वक्तृत्व स्पर्धेत प्रथम, व्दितीय व तृतीय क्रमांक काढण्यात येतील.

रोख पारितोषिके व प्रमाणपत्र - जिल्हास्तरावर निबंध लेखन व वक्तृत्व स्पर्धेतून ग्रामीण व शहरी भाग असे दोन गटात पारितोषिके देण्यात येतील. जिल्हास्तरावर प्रथम क्रमांकाठी रु.500/-, व्दितीय क्रमांकासाठी रु.300/- व तृतीय क्रमांकासाठी रु.100/- अशी रोख पारितोषिके व प्रमाणपत्र देण्यात येतील.

अधिक माहितीसाठी श्री सचिन निकम यांच्याशी मो.क्र.8856093608 या क्रमांकावर संपर्क साधावा असे आवाहन जिल्हा क्रीडा अधिकारी श्री मिलिंद दिक्षित यांनी केले आहे.