केंद्र
शासनाच्‍या क्रीडा व युवक
कल्‍याण विभागाच्‍या वतीने
प्रतिवर्षी १२ जानेवारीला
राष्‍ट्रीय युवा महोत्‍सवाचे
आयोजन करण्यात येते.
यामध्‍ये
देशातील विविध राज्‍यातून
आलेल्‍या संघामध्‍ये सहभागी
युवक युवती आपल्‍या कलांचे
सादरीकरण करत असतात.
याचधर्तीवर
राज्‍यामध्‍ये राष्‍ट्रीय
एकात्‍मता तसेच युवकांच्‍या
सुप्‍त गुणांना वाव देण्‍यासाठी
तसेच राज्‍याची संस्‍कृ‍ती
व परंपरा जतन करण्‍यासाठी
शासनाच्‍या वतीने क्रीडा व
युवक सेवा संचालनालयाकडून
जिल्हा /
विभाग
व राज्‍य पातळीवर युवा महोत्‍सवाचे
आयोजन करण्यात येते.
राज्‍यपातळीवर
उत्‍कष्‍ट सादरीकरण करणा-या
युवक युवतींना राज्‍यातर्फे
राष्‍ट्रीय युवा महोत्‍सवामध्‍ये
सहभागी होण्‍याची संधी प्राप्‍त
होते.
कला
क्षेत्रामध्‍ये उच्‍चतम
कामगिरी करणा-या
युवक युवतींना व कला क्षेत्रातील
व्‍यक्तिंना शासनाकडून विविध
प्रकारे सुविधा व सवलती देण्‍यात
येतात.
युवा
महोत्‍सवाच्‍या आयोजनाची
सुरुवात जिल्हा पातळीवरुन
होते.
जिल्हा
क्रीडा अधिकारी कार्यालयाच्या
वतीने सन २०१४-१५
मध्‍ये जिल्‍हास्‍तर युवा
महोत्‍सवाचे आयोजन करण्यात
येणार आहे.
या
युवा महोत्‍सवामध्‍ये लोकनृत्‍य,
लोकगीत,
एकांकिका
(इंग्रजी/हिंदी),
शास्‍त्रीय
गायन, शास्‍त्रीय
नृत्‍य, सितार,
बासरी,
तबला,
वीणा,
मृदंग,
हार्मोनियम,
गिटार,
मणिपुरी
नृत्‍य,
ओडीसी
नृत्‍य,
भरतनाट्यम,
कथ्‍थक,
वक्‍तृत्‍व
इत्‍यादी बाबीचा समावेश आहे.
जिल्‍हास्‍तर
युवा महोत्‍सवामध्‍ये सहभागी
होण्‍याकरीता जिल्‍ह्यातील
१३ ते ३५ वयोगटातील युवक
युवतींना सहभागी होता येईल.
आजही
कोकणामध्‍ये परंपरागत कला
व संस्‍कृतिचे जतन केले जाते.
कोकणातील
अनेक व्‍यक्तिंनी कला व
सांस्‍कृतिक क्षेत्रामध्‍ये
तसेच दुरदर्शन व मनोंरंजनाच्‍या
क्षेत्रामध्‍ये अपले भरीव
योगदान दिले आहे.
त्‍यामुळे
जिल्‍ह्यातील जास्‍तीत जास्‍त
युवक युवतींनी जिल्‍हास्‍तर
युवा महोत्‍सवामध्‍ये सहभाग
नोंदवावा.
वरील
बाबींमध्‍ये प्राविण्‍य
प्राप्‍त करणा-या
युवक युवतींना पारितोषिके
व प्रमाणपत्र देण्‍यात येतील.
युवा
महोत्‍सवामध्‍ये सहभागी
होण्‍याकरीता प्रवेश अर्जाचा
नमुना व अधिक माहिती करीता
क्रीडा कार्यालयाचा अधिकृत
ब्‍लॉग dsosindhudurg.blogspot.in
येथे
पहावे किंवा श्री सचिन निकम
(क्रीडा
अधिकारी)
यांच्‍याशी
८८५६०९३६०८ या क्रमांकावर
सपंर्क साधावा.
इच्‍छुक
युवक युवतींनी आपले अर्ज
जिल्हा क्रीडा अधिकारी
कार्यालय, सिंधुदुर्ग
येथे दिनांक २० डिसेंबर २०१४ पुर्वी
मुदतीत सादर करावे असे आवाहन
जिल्हा क्रीडा अधिकारी श्री
मिलिंद दिक्षित यांनी केले
आहे.
